Akshar | अक्षर

भल्यामोठ्या जाड मिशा आणि अर्थातच पेशाने पोलीस असलेल्या माझ्या वत्सल वडिलांनी मला ह्या अक्षरांच्या जगाची ओळख करून दिली. अक्षरं ओळखीची झाली. मित्रासारखी वागू लागली. त्यांचे स्वभाव, शरीरयष्टी, देहबोली, कान-नाक-डोळे-हात-पाय परिचयाचे होऊ लागले. त्यांचं बोलणं समजू लागलं, ती माझ्याशी आणि त्यांच्याशी मी बोलू लागलो. पुण्या-मुंबईसह पश्चिम महाराष्ट्रात अगदी बेळगाव गोव्यापर्यंतच्या छोट्यामोठ्या गावांमध्ये, कधी सहज नजरेस पडलेली, तर कधी ठरवून, कधी मुद्दाम पुन्हा पुन्हा जाऊन न्याहाळलेली ही अक्षरं.