Anand |आनंद

उत्तरायुष्यात चित्रपट न पाहणार्‍या शिरवाडकरांनी योगायोगाने आनंद चित्रपट पाहिला आणि त्याने त्यांच्या मनावर गारूड केले. आनंद चित्रपट हृषिकेश मुखर्जी यांनी दिग्दर्शित केलेला आणि त्याची कथाही त्यांनीच लिहिलेली. 'मरणासमोर उभे असताना, एक मनुष्य हसतखेळत भोवतालच्या जीवनात सुखाच्या लहरी निर्माण करत आपला अस्तकाळ एका बेहोष धुंदीत व्यतीत करतो', ही कल्पना त्यांना हृद्य वाटली. ह्या कथावस्तूवर स्वत:च्या काव्यात्म प्रतिभेचे संस्कार करत शिरवाडकरांनी एक भव्य नाट्यवस्तू निर्माण केली.