Bahupedi Vinda Part 1 | बहुपेडी विंदा खंड १

'बहुपेडी विंदा' हा गो. वि. करंदीकर यांच्या समग्र साहित्याचे परिशीलन करणारा मराठीतील पहिलाच द्विखंडात्मक समीक्षाग्रंथ आहे. पहिल्या खंडात विजया राजाध्यक्ष यांनी घेतलेली करंदीकरांची प्रदीर्घ वाङ्मयीन मुलाखत व करंदीकरांच्या समीक्षेची समीक्षा यांचा समावेश आहे; दुसर्‍या खंडात करंदीकरांचे लघुनिबंध व त्यांची कविता यांचे सविस्तर विवेचन आहे. 'मर्ढेकरांची कविता: स्वरूप आणि संदर्भ' या द्विखंडात्मक ग्रंथानंतरचे विजयाबाईंचे बहुपेडी विंदा हे समीक्षालेखन सर्वार्थाने लक्षणीय ठरावे.