Bharatiya Prayogkalancha Parichay Va Itihas : Natya |भारतीय प्रयोगकलांचा परिचय व इतिहास नाट्य

ह्या पुस्तकाच्या शीर्षकात 'भारतीय' हा शब्द असला आणि पुस्तकात 'भारतीय रंगभूमी ' असा एक छेदक असला तरी ह्यात 'परिचय (नाट्य)' हा भाग भारतविशिष्ट नाही, कारण हा कलाप्रकारच सार्वत्रिक आहे. वेगवेगळ्या काळी आणि स्थळी वेगवेगळ्या स्वरूपाची रंगभूमी उदय व विकास ( आणि ह्रासही ) पावली असली ,तरी आजच्या घडीला जागतिक रंगभूमी सर्वसमावेशक आणि वेचणंवादी ( eclectic )आहे ,संहितेच्या आशयानुरूप प्रयोगशैली अंगीकारणारी आहे. भारतीय संगीतातल्या राग - ताल किंवा भारतीय नृत्यातल्या मुद्रा-भंगिमा वा नृत्त / नृत्य ह्या संकल्पना ज्या अर्थाने भारतीय आहेत तसं काही नाटकाबाबत नाही - म्हणून हा फरक. "'इतिहास' हा भागदेखील रुपरेषात्मक आहे टप्पे दर्शवणारा आहे ; कारणमीमांसा व अर्थनिर्णयन करू पाहणारा नाही कारण तो केवळ परिचयात्मक आहे. "