Dhakatya Najaretun | धाकटया नजरेतून

अलका गोडे या श्री. ग. माजगावकर, निर्मलाबाई पुरंदरे, दिलीप माजगावकर या आणि आणखी दोन बहिणींच्या पाठचं शेंडेफळ. श्रीगमा म्हणजे 'माणूस' साप्ताहिकाचे सर्वेसर्वा, निर्मलाबाई म्हणजे शिवशाहीर बाबासाहेब पुरंदरे यांच्या पत्नी पण वनस्थळीसारख्या सामाजिक कामाने महत्त्वाच्या ठरलेल्या कार्यकर्त्या या नावारूपाला आलेल्या कुटुंबापैकी एक अशा अलकाबाईंनी हे आत्मकथन लिहिले आहे. त्यात 'मी,' 'माझं' किंवा थोडक्यात 'अहं' कुठंच जाणवत नाही. त्यामुळेच लिखाणाला प्रसन्न मोकळेपणा आला आहे.