Guruvarya | गुरुवर्य

'गुरुवर्य' या सार्थ नावाने नुकतेच प्रकाशित झालेले (कै.) बाबूराव गणपतराव जगताप यांचे चरित्र म्हणजे पुणे शहराच्या शैक्षणिक, सामाजिक आणि सार्वजनिक चळवळींचा इतिहास आहे. या इतिहासाचा कालखंड १९०६ ते १९७० म्हणजे सुमारे ६५ वर्षांचा आहे. प्रस्तुत चरित्रग्रंथ डॉ. अविनाश बा. जगताप यांनी मोठ्या आदरभावाने लिहिला असून, त्यात त्यांनी वडिलांच्या जीवन कर्तृत्वाच्या अनेक पैलूंवर प्रकाश टाकलेला आहे. बाबूराव जगताप हे पुण्याच्या शैक्षणिक व नागरी जीवनामधले एकेकाळचे अत्यंत आदरणीय व्यक्तिमत्त्व. त्यांची ही जीवनगाथा.