Jaswand | जास्वंद

मानवी जीवनाचा समग्र अनुभव, त्याची अंतिम अर्थपूर्णता आणि साहित्य यांचा, त्याचप्रमाणे साहित्य व इतर ललित कला यांचा अंतर्गत अन्वय व संबंध शोधणारी आणि हळुवारपणे साहित्यकृतीचा आशय उलगडत तिच्या रूपाशी व निर्माणकर्त्याशी ह्द्य संवाद साधणारी ही समीक्षा : उत्सुक रसिकाला आश्वासक वाटणारी. साहित्यकृतीच्या अम्लान सौंदर्याचे नित्यनवे दर्शन घडवणारी. कलेकलेने वाढणार्‍या गुणवत्तेची आचवलांची ही समीक्षा मराठीत आली आणि सर्वांगी समृद्ध होत, आणि मराठी समीक्षेलाही समृद्ध करत, तिने स्वत:चे असे मनाचे स्थान मिळवले. 'जास्वंद' ही त्या स्थानाची ठसठशीत साक्ष आहे.