Jave Janmakade | जावे जन्माकडे

आयुष्याविषयीची समजूत आणि स्वतःला शोधत जाण्याची असोशी यांच्यामधून या कवितेचे जग आकाराला आले आहे. अतिशय मृदू अशी भावसत्ये उचलून घेण्याइतके या कवितेचे संवेदन कणखर आणि कोवळे आहे. आक्रोश किंवा कडवटपणा टाळून स्त्रीत्वाची जाणीव आणि तिला बिलगून असणारे दुःखभान ती सहजपणे व्यक्त करते. अभिजात मराठी कवितेच्या परंपरेचे पाठबळ घेऊन आधुनिक काव्यविश्वात समर्थपणे स्वतःचे स्वतंत्र स्थान निर्माण करणारी ही कविता सकस आणि समृद्ध आहे.