Mahapurushanchya Najaretun Stri | महापुरुषांच्या नजरेतून स्त्री

स्त्री-पुरुष असा भेद करत, स्त्रीचा जेवढा वापर करणं शक्य आहे तेवढा करत, पायातील वहाण पायातच राहिली पाहिजे असं म्हणत सार्‍याच धर्मांनी स्त्रीला तुडवता येईल तितकं तुडवलं. सर्व पुरुषजातीला मोक्ष मिळवून देतांना सर्व स्त्रीजातीचं जगणं अत्यंत हलाखीचं करून टाकण्याचं काम सर्व धर्मांकडून घडलं हे एकाही धर्मसंस्थापकाला, एकाही महापुरुषाला कसं खटकलं नाही? त्याच्या 'करुणास्वरूपा'ला कसं लांच्छन लागलं नाही? इतकं जीवघेणं दु:ख पदरात टाकून देखील हे 'महापुरुष' माणुसकीच्या तत्वज्ञानाचा गप्पा कोणत्या अधिकाराने करत राहिले? स्वत:ला 'करुणामयी' कसे म्हणवून घेत राहिले? की 'माणसा'च्या कल्याणाचा विचार करताना स्त्री त्यांच्या हिशेबातचं नव्हती?... या सगळ्या प्रश्नांची उत्तर शोधायचा प्रयत्न करत आहेत लेखिका मंगल आठलेकर.