Mallmadhye Mangol | मॉलमध्ये मंगोल

'मॉलमध्ये मंगोल' कथासंग्रहामध्ये प्रत्येकालाच भेडसावणारे प्रश्न, नात्यानात्यांतील गुंता, मनामध्ये निर्माण झालेली अढी, अहंगंड, न्यूनगंड यातून प्रश्न सोडवण्याऐवजी त्यापासून पलायन करण्याची वृत्ती अचूक हेरली गेलेली आहे. सुख, समाधान म्हणजे नेमके काय? आणि ते आपण भौतिक वस्तूंमध्ये किंवा शरीरसुखामध्ये शोधू लागतो. आज सर्वत्र पसरलेली ही मनोवृत्ती हा या कथासंग्रहाचा गाभा आहे. पण समाजातील या मानसिकतेवर केवळ बोट ठेवलेले नाही, तर तशी मानसिकता बदलण्यासाठी अंतर्दृष्टीही दिलेली आहे.