Niyatichya Bailala |नियतीच्या बैलाला

विजय तेंडुलकर यांच्या राजकीय विचारांचा पैलू हा आत्तापर्यंत चित्रपट कथांमधूनच अधिक दिसला. 'घाशीराम कोतवाल', 'पाहिजे जातीचे' या नाटकांत राजकीय विचारांचा अंतर्भाव झाला असला तरी 'नियतीच्या बैलाला' च्या निमित्ताने रंगभूमीवरील तो पहिला स्फोट आहे असे म्हणणे वावगे ठरणार नाही. एका फॅण्टसी वजा कल्पनेच्या रूपाने त्यांनी या नाटकात राजकारणी पुरुषांची टवाळी केली आहे ; सामान्य माणसाच्या मनात ठुसठुसणारी चीड व्यक्त करणे हा नाट्य लेखनामागचा खरा हेतू आहे . स्वार्थी, संधीसाधू राजकारण्यांना त्यांनी या कलाकृतीद्वारे इशारा दिला आहे.