Page Three | पेज थ्री

सामान्य माणसांची स्वप्नंही सामान्यच! एका काकूंना वाटतंय, जन्माला आल्यासारखं एकदा तरी आपण ’पेज थ्री’वर झळकावं. एका चि. सौ.कां.ला संयोगितेला पळवून नेणा-या पृथ्वीराजसारखा पराक्रमी वर हवाय. तर एका गृहिणीला वाटतंय, आभाळभर पसरलेलं इंद्रधनुष्य मुला-नातवंडांनी जराशी फुरसद काढून बघावं. पण बदलत्या वास्तवात , बदलत्या कुटुंब जीवनात अशा स्वप्नांची पूर्तता होणं दूरच उलट भलत्याच अनवस्था प्रसंगाना सामोरं जावं लागतं. त्यांचाच तिरका, मिष्कील वेध घेणा-या कुटुंबकथांचा संग्रह- ’पेज थ्री’.