Prakashputra |Laxman Mane |प्रकाशपुत्र |लक्ष्मण माने

‘प्रकाशपुत्र’ नाटक म्हणजे, युगायुगाची लढाई. ‘नामांतर प्रश्ना’च्या पार्श्वभूमीवरील हे नाटक दलित मानसिकतेचं एक वेगळंच दर्शन घडवतं. बापू हा तरुण कार्यकर्ता व त्याच्या आदर्श, सुशिक्षित कुटुंबाची ही कहाणी. गरिबीतून कष्टाने शिकून-सवरून स्वावलंबी झालेली बापू नोकरी सोडून सभापती बनतो. त्याची जोरदार भाषणे, मिरवणुका, सामाजिक कामे, भडक विधाने त्याला आणि कुटुंबाला देशोधडीला लावतात. त्याची भडक विधानं वातावरण तापवायला, जाळपोळ-दंगे-मोर्चे यांना कारणीभूत ठरतात. त्याच्या आई-वडिलांचं गावातलं घर यामुळेच जळून खाक होतं. अँटिकरप्शन विभागाकडून बापूला अटक होते. तो कंगाल होतो. त्याचा राग तो गरीब पत्नी सुमावर काढतो. तिच्या चारित्र्यावर शिंतोडे उडवतो. त्यामुळे सगळं कुटुंबच दु:खी होतं. शिक्षणाचा काय उपयोग, असंच बापूच्या म्हातारा-म्हातारीला शेवटी वाटतं राहतं... ज्वलंत विषयावरचं बहुपेडी, ज्वलंत नाटक.