Sulochanechya Paulkhuna | सुलोचनेच्या पाऊलखुणा

‘दाटून आलेल्या भावनांचा अचानक सहज उद्रेक,’ ही आंग्ल कवी वर्ड्‌सवर्थ यांनी केलेली कवितेची व्याख्या. त्यानुसार तुम्ही तुमच्या भावनांना शब्दरूप दिले. सुलोचनावहिनी जाहीरपणे फारशा न बोलणाऱ्या. पण तुम्हाला साहित्य अकादेमी पुरस्कार मिळाला तेव्हा स्नेहा शिनखेडे यांनी त्यांना बोलते केले. त्या मुलाखतीचा काही भाग ह्या पाऊलखुणांत उचितच ठरेल. ह्या छोटेखानी स्मरणांजलीला पूर्णत्व देण्यासाठी ज्या तुमच्या कवितांचा वहिनींशी खास संबंध आहे असे तुम्हाला वाटले त्यांचा गुच्छ दिला आहे. यात त्यांच्यामुळे स्फुरलेल्या, त्यांना उद्देशून लिहिलेल्या आणि त्यांना विशेष आवडलेल्या कविता सापडतील.