Surya Gilnari Mi | सूर्य गिळणारी मी

सूर्य गिळणारी मी हे आत्मचरित्र म्हणजे केवळ अरुणा सबाने या एका स्त्रीची जीवनगाथा आहे असे नाही, तर त्या माध्यमातून आपल्या वर्चस्ववादी पुरुषसत्ताक घृणास्पद व्यवस्थेचे अत्यंत वास्तववादी प्रातिनिधिक दर्शन त्यांनी घडवले आहे. या व्यवस्थेच्या मुजोर चक्रातून जाण्यावाचून कोणतीही स्त्री वाचलेली नाही. फरक एवढाच आहे की, हे चक्र भेदून स्वत:च्या अस्तित्वाचा शोध स्वत:च्या बळावर घेण्याची जिगर फारच थोडय़ा स्त्रियांमध्ये असते, ती जिगर अरुणा यांनी दाखवलेली आहे. या अपरिमित संघर्षांची गाथाच या आत्मचरित्रात त्यांनी मांडली आहे.