Take Flight | टेक फ्लाईट

आपण जे काम करतो, ते पूर्णपणे झोकून करणे अपेक्षित असते. यातच व्यावसायिकपणाचामुद्दा येतो. अनेकदा आपण व्यावसायिकपेक्षा भावनेच्या भरात निर्णय घेत असतो. हे गणित काही वेळा बरोबर असले तरी नोकरी व्यवसायात यश, पैसा मिळविण्यासाठी ते योग्य ठरत नाही. यासाठी मनोज अंबिके यांनी 'टेक फ्लाईट' मधून मार्गदर्शन केले आहे.आपण जे काम करतो त्याची बांधिलकी मानणे, व्यवसायात व्यावसायिकता आणण्यासाठी धाडसाची गरज, कार्यक्षमतेचा पुरेपूर वापर, व्यवसायवृद्धीसाठी जमिनीवर राहून काम करणे, ग्राहकाला कायम समाधानी ठेवणे, आपले उद्दिष्ट ठरवून त्यासाठी मार्ग ठरवणे, व्यवसायातील कि-पर्सन, लीडरशिप, आपल्या सहकार्यांना आपली संपत्ती असणे मानणे, भांडवलाची तजवीज, वेळेचे व्यवस्थापन, कार्यक्षम मॅनेजर बनणे, सच्चा व्यावसायिक बनणे अशा अनेक उपयुक्त गोष्टी येथे सांगितल्या आहेत.